हाम्रो दृष्टिकोण
हाम्रा परामर्शदाताले हरेक व्यक्ति वा समूहको आवश्यकता, रोजाइ र परिस्थितिअनुसार उनीहरूसँगै मिलेर पद्धति छान्छन्। यीमध्ये धेरै पद्धति समूहमा सञ्चालन गर्न सकिने भएकाले धेरै जनासम्म सहयोग पुग्छ।
शरीरको प्राकृतिक कम्पन प्रक्रियालाई सक्रिय बनाएर तनाव र आघातसँग जोडिएको मांसपेशीको गहिरो तनाव कम गर्न मद्दत गर्ने सरल शारीरिक अभ्यासहरूको शृंखला। प्रायः समूहमा सिकाइन्छ र पछि आफैं अभ्यास गर्न सकिन्छ।
उपयोगी हुने अवस्था: तनाव, शारीरिक तनाव, आघात, निद्राका समस्या
शोक, विवाद, एक्लोपन तथा जीवनका ठूला परिवर्तन जस्ता घटना र सम्बन्धहरूमा केन्द्रित भई डिप्रेसन (उदासीनता) कम गर्ने संरचित तथा निश्चित अवधिको उपचार पद्धति। विश्व स्वास्थ्य संगठनले यसलाई समूहमा सञ्चालन गर्न अनुकूलित गरेको छ।
उपयोगी हुने अवस्था: डिप्रेसन, शोक, सम्बन्धका समस्या
सामाजिक सहयोग, उत्थानशीलता र समयमै सहयोग खोज्ने बानी बलियो बनाउन स्थानीय समूह, स्वयंसेवक तथा विद्यमान संरचनामार्फत समुदायभित्रै सञ्चालन गरिने मनोसामाजिक गतिविधि।
उपयोगी हुने अवस्था: तनाव, विपद् वा द्वन्द्वबाट प्रभावित समुदाय
गर्भावस्था तथा सुत्केरीपछि डिप्रेसन भोगिरहेका आमाहरूलाई सरल संज्ञानात्मक-व्यवहारवादी विधिमार्फत सहयोग गर्न विश्व स्वास्थ्य संगठनसँग मिलेर विकास गरिएको मनोवैज्ञानिक उपचार पद्धति।
उपयोगी हुने अवस्था: गर्भावस्था र सुत्केरी अवस्थाको डिप्रेसन, मातृ सुस्वास्थ्य
Draft — confirm THP = Thinking Healthy Programmeकथावाचन र कपडामा कथा बुन्ने सिर्जनात्मक विधि मिलाएर आघात तथा लैङ्गिक हिंसाबाट प्रभावितहरूलाई आफ्ना अनुभव प्रशोधन गर्न र अरूसँग पुनः जोडिन मद्दत गर्ने समूहमा आधारित पद्धति।
उपयोगी हुने अवस्था: आघात, लैङ्गिक हिंसा, एक्लोपन
Draft — confirm Common Threads descriptionसहयोग माग्नु कमजोरी होइन, साहस हो। परामर्शदातासँग कुरा गर्न हामीलाई सम्पर्क गर्नुहोस् — तपाईंले भनेका कुरा गोप्य रहन्छन्।